ಅಲೆ ಬುಡಿಯೇರ್ ಎನ್ನುವ ತುಳುನಾಡಿನ ಪದವೇ ಕಂಬಳದ ಗತ್ತು ಗೈರತ್ತು ತೋರಿಸಿ ಬಿಡುತ್ತದೆ. ಮೂಡುಬಿದಿರೆ ಯ ಅಶ್ವಥಪುರದ ಕುಡುಬಿ ಸಮುದಾಯದ ಶ್ರೀನಿವಾಸ್ ಗೌಡ ಕಂಬಳದ ಚಿನ್ನದ ಓಟಗಾರ ಎಂದೇ ಖ್ಯಾತಿ ಪಡೆದಿದ್ದಾರೆ.
ಬಾರಾಡಿಬೀಡಿನ ಒಂದೇ ಕಂಬಳದಲ್ಲಿ 4 ಪದಕಗಳನ್ನು ಬಾಚಿದ್ದಾರೆ. ಮೂಡುಬಿದಿರೆ 4, ಹೊಕ್ಕಾಡಿಗೋಳಿ 1, ಮೂಲ್ಕಿ 3, ಕಕ್ಕೇಪದವು 2, ಮಿಯಾರ್ 3 ಸೇರಿದಂತೆ ಒಟ್ಟು 16 ಪದಕಗಳನ್ನು ಶ್ರೀನಿವಾಸ್ ಗೌಡ ಪಡೆದುಕೊಂಡಿದ್ದಾರೆ. ಕಂಬಳದ ಶ್ರೀ ನು ಎಂದು ಕರೆಯುವ ಗೌಡರ ಮುಂದೆ ಇನ್ನು 9 ಕಂಬಳಗಳು ಮುಂದಿದೆ ಅದರಲ್ಲೂ ತಮ್ಮ ಸಾಮರ್ಥ್ಯ ತೋರಿಸುವ ಎಲ್ಲ ಲಕ್ಷಣಗಳು ಇದೆ. ಒಟ್ಟಾರೆ 100ಕ್ಕೂ ಅಧಿಕ ಪದಕಗಳನ್ನು ತಮ್ಮ ಮನೆಯಲ್ಲಿ ನೇತು ಹಾಕಿದ್ದಾರೆ.
